ولو مو تاج احسك بس قلت تاج
واحس بروحي في ظلك أميره
..
واذا سألوني عنك اي قلت شيخ
وارخص الخاطرك نص العشيره
..
افهم وافتهمني وريح البال
وقلبي المنشلع حدد مصيره
..
وميزني بذكائك وافهم شبيك؟؟
فرق بين المحرر والحريره
..
واذا صغيره شفتني عيونك صغار
النجوم بعاد وتبين صغيره
..
وعلي تبخل واقول يكرم هواوي
وكل يوم الصبح يهديلي ليره
..
وكم عيد يمر وكم عيد ميلاد
لا جايب مخده ولا حصيره
..
شما اقترب منك تبعد المسافات
ولك والله بمحبتك حرت حيره
..
قلي شلون ابدلك وارضى بالغير!
قلبي شلون هم القالي غيره
..
لا تلعب يا عمري وصير حباب
تراني وداعتك كلش خطيره
الشاعرة العراقية المتألقة
شهد الشمري