اهلا وسهلا بك اخى عبد الله
بس ياسيدى انا حتكلم عن حاجه ع السريع كنت كتتبها ف مدونتى
وهى اساس بعيد عن الاختيار الدينى
لانى بعتبر الاساس الدينى هى ثوابت ماينفع اقول عنها مقومات بل هى ثوابت حتى لا يخون بعض الاشخاص مااقصد ايضاحه يعنى اساس برمى بعده اختيارتى
نيجى بقى لحاجه ع السريع هنا
اختيار العيوب التى تتكيف معاها ايه
انا بقولك مقومات الزواج الناجح وانته تقولى مقومات العيوب اللى اقدر اتكيف معاها ايوه بالضبط
لانى حضرتك مش حتاخد حاجه ملاك نازل من السما لاننا بشر غير معصومين من الخطا
"إن بغض النظر عن وجود الحب - كل إختيار عبارة عن لستة مختلفة من المشاكل"
يعني هتختار دا هيبقى في لستة مشاكل .. هتختار دا هيبقى في لستة مشاكل تانية
المشاكل دي عبارة عن عيوب شخصية -عيوب تواصل -عيوب ظروف
يعني لا مفر من وجود المشاكل .. بس نوعيتها هتختلف.
"لكن المهم ان تختار نوعية العيوب أو المشاكل اللي تقدر تتعامل أو تتكيف معاها"
و يقصد إن تكون المشاكل أو العيوب دي لا تتعارض مع احتياجاتك الجوهرية و الأساسية من الجواز عشان ماتعيش طول عمرك في معاناة وحرمان.
يعني مثلا شخص إحتياجه العاطفي عالي وشخص عملي و مالوش في التعبير عن المشاعر .. مشكلتهم هتكون الشعور بالحرمان و الجفاف العاطفي ودايرة مغلقة من المطاردة بالعواطف و الإعراض .. و بما إن دي حاجة أساسية عند الطرف الأول وما يقدرش يعيش من غيرها و الإهمال العاطفي بيقتله فالإرتباط دا أو مجموعة المشاكل دي ماتناسبوش .. و الجوازة دي فضها غنيمة أكثر من إكتمالها.. وهكذا
فالإختيار للزواج موضوع نسبي جدا يحكمه قاعدة عريضة و هي اللي قالها دان وايل .. وهي إختار العيوب اللي تقدر تتكيف معاها.
دى وجهه نظر شخصيه تتفق مع كاتب قرات له من قبل ولانى قبل كل ذلك
رساله الماجستير بتاعتى فيه الصحه النفسيه والعلاقات الاسريه
فحتلقى كلامى الاول عن العيوب واصلاحها قبل المميزات
ولى عوده مره اخرى تحياتى اخى المحترم عبد الله