وعليكم السلام ورحمة الله

قبل كل شي بكره تنزل المكتبه الله لايهينك
تجيب لك أقلام كتابه ألوانها غامقه
خاف ربك أعميتنا بهالالوان
وبعدين هذي ألوان " كيوتات " ماهي لكم

المهم وعدتك اشرح لك شرح المعلم للتلميذ
تعال يالطيب


انت تدري من هذي سوازانا
هذي طال عمرك زوجة انطونيو
هذاك الخبل النسونجي اللي خبرك
عجزت تعقله هالسوزانا
قالت اروح أعمل كم عملية تجميل لعله يلتفت لي
الله وكيلك راحت وجابت "قطع وكاله "
طلعت من العياده مزة المزّات
واكتشفت ان هالانطونيو ماهو من ثوبها
طبعاً هو لما شافها " فغر " لكن بعد ايش
هجت من عنده وجاها عرض في قناة "منكم وعليكم "
وبالمطار صارت معها القصه اللي خبرك


أما فيفيان فهي متطوعه للبشريه بإجراء التجارب الجماليه عليها
من أجل عالم خالي من " الطعوس "
لابد أن تكرم هذه الفيفيان



نجي عند جينين ،
المسكينه مزيونه وكانت تحتاج عمليات تجميل بسيطه
لكن طاحت بيد دكتور أخته كانت تجلده دايم
وماتخليه يلعب بالدمي حقتها وخصوصا باربي
عاد حط حرته بزباين العياده


والآن مع سيزيان
طلعت المشكله ماهي في البوتكس المنتهي
المصيبه بالدكتور الأحول
حقن البوتكس كله بخد واحد


أما عيده الحسناء فيكفيها شرفاً
أن جابت راس " التيس "
لايضرها شيء بعده



أما مريم فعزتي لها
هذي طالت عمرك تدبست بجمعان راعي البل
عليه شيفه " تمرض " الجن
شوشته ماتعرف المشط ومبسوط وطولها شبرين بس للأعلى ،
العالم كلها شعرها ينساب للأسفل وهذا شعره معادي للجاذبيه
حواجبه هاجه من عيونه
ماتدري مرتاع والا هو ضياع
دائما عود الأسنان بفمه
يخرج أطنان اللحوم
صار بين كل سن وسن شارع
المسكينه جاها إكتئاب مع انفصام
أحيانا تعترف انها مريم وأحيانا تقول اسمي ناقه
عاد تحط حرتها بالأكل وانفرط الجسم
والعله كما هي
لكن أبشرك راحت لطبيب نفسي عطاها مضاد للإكتئاب
ومضاد للهذيان واقنعناها ان جمعان تسبح وصار زين وصدقت



اما غراب البين ابلش العيادات بهالكم شعره بدقنه وشاربه
تلقاه يناشب بنات خلق الله بكل عياده ويقول دوري قبلكن

مايمدي أكمل شرح خلصت الحصه



،،

وخلاصة الكلام




ويبقى الجمال مشعاً من داخل الروح
والقبح لاتلغيه أعتى المشارط والحقن

،،

اسلوبك الساخر استاذ توماس يدخل البهجه للقلب
ويبعث رسائل حتما تصل بكل انسياب

والدعوه كلها مزوح وفلة حجاج

تقبل مروري وفائق احترامي