انها النوستالجيا اخى الغالى
البشر يبحثون فقط عن لحظات كانوا فيها سعداء
فليس الامس هو الافضل
لان الليله التى سبقته كانت لاخرون افضل
وهكذا حتى نصل لبدايه الخلق
فقبل ان يقتل قابيل هابيل
كانت الدقيقه السابقه لارتكاب الجريمه افضل
وقبل خروج سيدنا ادم من الجنه كانت اللحظه فى الجنه افضل وافضل وافضل
نحن نعيش ذكرياتنا الان
نحن نعيش لحظات جميله سندرك قيمتها غدا

كتبت فى مدونتى يوما ان

الزمن والزمان مش زمن محدد
فلكل حد فينا زمن وزمان
ارض وبيت واسره وارتباط بمكان
الزمن والزمان هو الى كون جوانا الانسان


الزمن والزمان
زمان كل حد فينا بكل قساوته
وبكل مرارته وبكل حلاوته وبكل ذكرياته وبكل حنينه
زمان هو ذكرياتنا وماضينا
وبكل حد من اهالينا ودعته قلوبنا و دموع عينينا
وبكل حد من حبايبنا فارقنا ونسينا
وبكل حاجه كانت حلوه فينا
هيفضل دايما زمان احلى


وبما اننا الان فى بروفه لبكره
وبما ان الزمن جزء منه ماضى وجزء منه بكره
وبما انى على قناعه اننا بنعيش النهارده ذكرياتنا الحلوه الى مش هنحس بيها الا بكره
وبما انى متاكد انى مجرد ما هخلص كتابه سطورى دى
اصبحت اللحظه دى جزء من ذكريات هنفتكرها بكره
فقررت احب كل لحظه هعيشها النهارده
لحد ما ييجى يوم هكون فيه بس جزء من امبارح
لان مش هيكون مكتوب لى ساعتها اشوف شمس بكره