كل ماهب الهوا والبال رايق
دق هاجوس القصايد من علوى
مانويت اقفي او ابعد او افارق
دام حبه داخل ضلوعي تطوى
وارفع اشواق الغلا مثل البيارق
وكن نجم الشعر في طاريه هوى
المحبه نورها بالقلب شارق
والغلا والشوق تحت امره مسوى
مستحيل ايغيب عن قلبي دقايق
له محبه ماكنه بالقلب جوى
بينه وبين العرب مليون فارق
لابجنس ادم ولا في جنس حوى
شب في جوفي على شوفه حرايق
غايتي في القلب هو للروح سلوى
المزايا نادره كالبدر شاهق
لا اكتمل خمسة عشر بالليل ضوى
في غلاته قد تحديت العوايق
مانظرت لكل من سوى وسوى
له غلا في داخلي واضح وصادق
عالين قدره وحبه قد تقوى
واسمن قلبي كما وسم المطارق
وحط اسمه داخله ولا تروى
خلف الغريقان