.
زدت قسوة ..؟!
وإن دريت بحاجتي لك ..
زدت جفوة ..؟!
وإن عطيتك من حياتي ما تريده ..
ما كفاك ....
وتحسب إن الحب نزوة ..!
والله إني يا أحب الناس .. أحبك ..
والله إن الروح - لو ترضيك - .. فدوة ..!
والله إني تاركٍ غيرك وجيتك ..
مزعل الزعلان .. والعذال .. عنوة ..!
كل دقة قلب "فيني" لك قصيدة ..
تكفي الدنيا مع الأحباب .. غنوة ..!
وكل هاجس ما يجيب إلا خيالك ..
سلوتي بالعمر في صحوة .. وغفوة ..!
أجمع إحساسي وأشواقي وأجيلك ..
وألبس ثياب الهوى .. والعشق .. كسوة ..!!
أنتقي لك من سواليفي .. حسنها ..
والقصايد من غزلها .. كل حلوة ..
وأنثر العبرات .. والضحكات .. عندك ..
تاخذ اللي تلتقي لك فيه سلوى ..!
وأذكر الله كل ما ناظرت حسنك ..
أشهد إنك فوق عرش الزين .. ذروة ..!