البطى ي هيه لا يهلك حياتي
أطلبك وارجيك لاتبطي علينا
يا قناد الرأس ياحلمي وذاتي
لا تأخر في سلامك واسعفينا
ياهوا روحي وياقلبي غناتي
ارحمي قلبٍ لغيرك مايلينا
احتفظ واذكر على بالك وصاتي
ان حكمت اليوم في حبك سجينا
انتظر جيِّتك واهوجس واحاتي
والعمر يمشي وحنا ماسلينا
ليه مانطري على بالك وتاتي
مثل مافي نومنا دايم تجينا
لا وصال ولااهتني حلو المباتي
يوم ناموا باليالي مهتنينا
كيف تنسى جعل ينساك المماتي
والوصال انمد حبله بـ اليدينا
ادعي الله كل ماصلي صلاتي
جعل ربي في هواكم لي يعينا
القمر وطيوفها عذب الصفاتي
انتسامر عَل ننسا مانسينا