بسم الله أبدأ
::::
ياحبيبي لهفة الخافق طغت باشواقي
والغلا والشوق لك ياساكن الشرقيّه
كل ماهب الهوا مع طلعة الاشراقي
قامت الذكرى تقلب صفحتي المطويه
وكل عرق وكل نبض ينبضه خفاقي
ايتوقف لا قريت اسمك او اسمٍ زيّه
الصبر عيا يعزز خزنة المشتاقي
حافظٍ ماضي العهود وصادق النيه
واتحمل من غرامك حمل ماينطاقي
مايشيله كتف كيف تشيله الألفيّه
كيف اعبرها حروف ونزفها دفاقي
والحروف الابجديه عاجزه موليّه
انت ياللي تلتوي من حسنك الاعناقي
من يلومك لا سكنت ابراجك العاجيّه
خذت خفاقي وعقلي بعدها وش باقي؟
مابقى الا روحي اللي لاجل حبك حيّه
اخذها فدوه لعينك يالغرام الراقي
بس تكفى لاتجازي حسنتي بالسيّه
الله انه لايعود حزة الفراقي
حزةٍ حطت وسط حدب المحاني كيه
حطني في وسط عينك واغلق الاحداقي
وضمني بين الضلوع بلهفه وحنيّه
واذكر انك منتهى الامال والاشواقي
والغلا والشوق لك ياساكن الشرقيّه
بقلمي
بو نوره