10-20-21, 08:37 AM
|
#1 |
| | 
فصل الشتاء وغيم الحنين .. مسابقة سيد الفصول ..
أسعد الله قلوبكم بكل خير
حصرية أتمنى ترتقي قلوبكم
وان تصل متأخراً خيراً من أن لا تصل ..
*
*
*
طال هذا الليل وانتا جالس تنادم سيجاره !
تحترق معها الثواني ويشعل بقلبك وقيده
والشتاء والبرد وارياحٍ تحرك هالستاره
والسكون وكل فكرة تولد بفكرة جديدة
لين ما غيم الحنين يهل أمطار بغزاره
تمتلي منه العيون الذابله فيها قصيدة
ويبتدي صوت المشاعر يخلق لجوك إثاره
وكل ذكرى في غرامك ترجع لأول تعيده
يا فقيدة قلب مغرم هزه الشوق و أثاره
لين نادى لك بصوته
يا فقيده
يا فقيده
الأمير اللي وحيد بلا أميره او أماره
ماخذن معه السكوت وماتت الحيله بأيده
كان يا ما كان فارس يرهب الاعدا إنتصاره
صاغ حلم
و
طاح نجم(ن)
من اعاليه البعيدة
كان يعشق هالحياه ومد لإحساسه بشاره
ما درى ان الحياه بطبعها دايم عنيده
ما درى ان الليالي فيها آهات و خساره
ما درى او ما بغى يدري على وين المكيدة !
لـ الـولـه .
|
|
|
التعديل الأخير تم بواسطة الوله ; 10-20-21 الساعة 08:48 AM
|