الكحيله


يابنت . يافتنة الكُون على مدّ اتّساعه
يامِشغلة فِكر المخاليق بالذُّوق والتغلّي

سبحان من جمّل الوجه بختْم البراعه
يالكحيله ،الفاتِنه، ياتَرفة الكفْ المحنّي

إسمحي لي من وقتك الغالي بِساعه
أرد فيها هجْمات العِدا عنك وعنّي

أول سِهامي لعنوان الرّدى والوضاعه
نسويّهٍ تسوق الفتن والمستوى متدنّي

عواجيزٍ حياتهم بين مشرط وصِباغه
ولىّ زمنهم وولًىّ عقلهم حسب ظنّي

الرايه تحرر والغايه الدّين وضياعه
حشا مابعت دِيني لو غدرهم يطعنّي

حقوقي أنا أصونها بالرضا والقناعه
راس مالي دِيني من الزلّات حصّنّي

وثاني سهامي أسدده بيمينٍ شُجاعه
للعادات الباليه .. اللي بدائها رمنّي

مانزل الله بشرعه لها سُلطان اوطباعه
ورْث عقول فانيه ليتها بس تسمعنّي

أبي شرع الله يحكمني سمعاً وطاعه
مالي بالعوايد اللي بعمري تمتحنّي

عهدٍ علي بين كل الملا والجماعه
أصون عرضي لو راح وفنى سِنّي

كأني ارتويت الشرف قبل الرضاعه
ثابتٍ مبداي وفعلي واقوالي سدّنِّي

ويابنت . انا واياك مابيننا قِطاعه
تعالي نفرح بوقتنا ونعيش ونغنّي



النايفه