مازلت ننشد عنك
ونقولك كيف حالك
رغم الوجيعه منك
ونسيتني من بالك
مازلت ماننساك
وننسى ايام ودادي
مازال عقلي معاك
والروح عندك غادي
رغم الظروف القاسيه العنيدة
رغم المسافه بينا البعيدة
مازلت ياغالي غلاك انريدة
ولا يوم نرضى ف الزمان بدالك
مازلت ماني ناسي
كل شي بيني وبينك
مازال عندي احساسي
ينشد عليك و وينك
غايب علي وغيبتك مصعبها
عقلي بكاء من قبل ما جربها
والعين سالت دمعها غالبها
الليل كله جايبه موالك