تبليغ هام جدا :-
بدايتا بدي اشكر كل نجومنا المشتركين وكل أعضائنا الكرام يلي صوتو لنجومنا
وواكبو مرحلة التصويت بآيامه الخمسه وكان تصويت كتير قوي وفعال وقياسي
ووصل عدد المصوتين الى 58 مصوت يعطيكم الف عافيه

وحابه ابلغكم آنو بعد وصول التقرير النهائي بأسامي جميع المصوتين من قبل (السيد المدير) لالي
وقيامي شخصيا بالمتابعة والتدقيق عليه
طلعت كل الاصوات سليمه ومحسوبه ولله الحمد

بس ظهرت لنا إشكالية جديدة وهي حصول (3) مشتركين كرام ع نفس عدد الاصوات (5)
وهيدا مخالفة لقوانين التصويت ولا يجوز حصول اكثر من مشتركين أثنين على نفس عدد الأصوات !!

وبعد تفكير دقيق مني لقيت ثلاثة حلول لا رابع لهم رح اعرضها قدامكم :-
مع العلم انو كل الحل الو جانب إيجابي وجانب سلبي

الحل الأول :-
القبول بنيجة الاستطلاع الحالية متل ماهي
ايجابياتو / المشتركين الثلاثه الحاصلين على (5) أصوات ثلاثتهم يكونو بالمركز الثالث
سلبياتو / هيدي مخالفة واضحة للشرط الخامس من مرحلة التصويت وقوانين المسابقة (ومابدنا تتأثر ع قوة ونجاح المسابقة)

5 - في حال تعادل فائزين على المركز الأول سيتم تمديد مدة التصويت أو عمل تصويت مستقل بينهم لتحديد فائز واحد بالمركز ، أما بقية المراكز لا مانع من التعادل فيها لاثنين فقط في كل مركز

الحل الثاني :-
آعتماد تصويت جديد للفصل بين المشتركين الثلاثه الحاصلين ع (5) أصوات
ايجابياتو / بصراحه مالو أي ايجابيه وبس تضييع وقت
سلبياتو / المشتركين الآثنين الحاصلين على (4) أصوات رح يخسرو المركز الرابع
ومعهم مشترك من الحاصلين على 5 أصوات ,, وثلاثتهم رح يطلعو برات التوب 4 ورح ينحرمو من جوايزهم
وأيضا رح يخسر المشترك الثاني من أصحاب الأصوات الــ 5 المركز الثالث
(يلي بيخسر بلاستطلاع الجديد) ورح ينتقل للمركز الرابع
وكمان لازم ننطر 3 آيام أخرى مدة التصويت الجديد

الحل الثالث :-
حسم التعادل الثلاثي ع المركز الثالث عبر تصويت عضو ماشارك في موضوع التصويت ,, وهي للأسف أختكم تاتيانا
ايجابياتو / رح يضلو 2 من المشتركين الحاصلين ع 5 أصوات في نفس مركزهم الحالي (المركز الثالث)
اما المشترك يلي بيربح الصوت رح يزيد عدد اصواتو من 5 الى 6 أصوات وبينتقل للمركز الثاني
وهو مركز فيها مشترك واحد ومسموح وجود مشتركين اثنين بكل مركز (عدا المركز الاول)

سلبياتو / أنا بسميها العلقم لآني كــ منظمة المسابقة مابقدر أعطي صوتي لمشترك 1
وأحرم باقي مشتركي الـــ 21 من صوتي وللامانة هم المشتركين الــ 22 كلهم
ابدعو وكلهم بيستاهلو التصويت وهم ونصوصهم على راسي وعيني وشهادتي فيهم مجروحه
وهم من كبار كتابنا وشعرائنا واعضائنا الموهوبين يلي قضيت برفقتهم اجمل 26 يوم
مابدي حدا منهم يزعل مني (في حاله اذا اخترتو هيدا الحل)

نجومنا المشتركين ... انا عرضت قدامكم الحلول الممكنة الثلاثه بكل امانة
وطبعا بعرف أي منهم الآنسب لحل الأشكالية
بس أكيد ناطرة رائي وجواب وقراركم انتو كمان ومابستغنى عن مشورتكم
لآنكم جزء هام جدا من المسابقة وانا بعطيكم حق القرار

وانتو الكم حرية الرائي ووقت كافي من هلآ لساعة 9 هالمسا
كرمال تبلغوني بارائكم ..... وبخلافها بعد ساعة 9 رح انجبر اخد احد الحلول المطروحه
بشكركم لتعاونكم وتفهمكم