لو كان فيك نصيب
غصبا علي الايام طرح وطيب
يصير قسمنا
يا اللي غالي
غلاك لين مايفداك عني والي
وديما ملامح صورتك في بالي
واضحات ما لحظه علي تغيب
وان كان هو سرح يسرح معاك خيالي
وان كان هو حكى عقلي يجيب سريب
حكاية غلاك اللي اكبر تمالي
رفيق وعزيز وخيرة الصاحيب
معاك انت نزهى والحياة تحلالي
وما العيش دونك في الحياة يطيب
ياسبايب نوحي
وياروح جوا ساكنه في روحي
ياريت يبقى كاتبك في لوحي
المولى ومن عيني تكون قريب
ونروق ونبني من جديد صروحي
وننسى شقاي ولوعة التغريب
بيك ياعلم يبرن جميع جروحي
وليش مايطيبن وانت لي طبيب
وان كاني اخطيت دناك مو مربوحي
بلاك ماعليه اطعمه عمر عطيب
غصبا على فرقانا
يصير من الدنيا ما رايده مولانا
كنيب خاطري يزها عقاب زمانه
معاك في الغلا قبلآ الراس يشيب
وكنيبها عيني اللي سهرانه
كي الناس تاخذ من المنام نصيب
العالم الله بما يصير معانا
سبحانه مقدر كل شي تسبيب
دعيته يجيبك ياعزيز احذانا
ربي وربك ماعليه صعيب
ماعليه صعيب