وبالأمس نزلت قصيده إكراما للدكتوره
ولاتهون الجادل ، نخصّها بقصيده غزليه اليوم
سيد المناعير
حروفي أصايل ميدانها صدرٍ وقافي
تسبق فعول الاوادم وعينها تشوف
تسلب لِباب عقولٍ ذهنها صافي
سلوم العرب تقلط عليها ضيوف
وللشعر بردةٍ بات راعيها دافي
كنّ القوافي بيده سلّة سيوف
ألا ياشعري دونك الهوى لافي
وفي عتمة الليل أشعل حروف
واكرم مليحٍ حبه بالحشا خافي
كامنٍ في خفوقي ساكنٍ بالجوف
ليا أقبل حضوره عن الملا كافي
وليا غاب زوله عقّب قلب ملهوف
أنت ياسيد المناعير العفْ الوافي
ياسمح المحيّا بالطيب موصوف
خلٍ تفداه الروح والقلب عوافي
عسى قلب الغضي يحن ويروف
أبياتي تهدهد وليفٍ بالحنايا غافي
وقصيدي قلايدٍ بصدر الهنوف
النايفه