ربي يبارك فيكي ويسعدك نداويتي القمره
واللهى مابعرف شو بدي قلك ؟!! وكيف فيني أشكرك ؟!!
بتسدقي مبارح أول ماقريت كلامك وشفت هديتك الفاخره المعمولة بالايد
يلي مطرزتيه بحروف أسمي ومحوطتيه بالقلوب الكثيره
دغري تلألئت الدموع في عيني من فرط سعادتي وفرحتي فيكي وبهديتك الكتير غاليه ع قلبي

تذكرت عشره عمرنا ومشوار 8 سنين بديناه سوا من منتدانا الأول
وكتر خير الله لحد هلآ مكملين بهالمنتدى الرائع
وتذكرت أنك رحبتي فيه وعملتي لالي موضوع ترحيب مبهر اول ماتسجلت هون
وأنتي صديقتي الصدوقه وأختي الحنونه يلي عطول بفتخر فيها وبوجودا
كتير بتهميني وبتهمني رائيك وعطول شهادتي فيكي مجروحه
وكتير بتشرف وبعتز بدعمك الكبير وتقديرك الثمين لالي ولكل مجهوداتي

بشكرك عزيزتي لحضورك وشهادتك المبهرتين بحقي وبحق شخصيتي واعمالي
وشكر 2 للبوكيه الورد والشوكولا وكاتو وعبارة التهنئه كلك ذوق
وشكر 3 للهديه التطريز الفاخره تؤبريني يارب

لانو كلمة الشكر بتضل قليله بحقك وبحق كلشي قلتيه بحقي وكلشي عملتيه كرمالي
لهيك رح بدعيلك من كل قلبي انو :-
ربنا يخليكي لالي ولكل اهلك واحبابك ويوفقك ويسعدك بكل مشاويرك الحياتيه والمنتدى كمان
ونشالله يتحقق كل احلامك وامنياتك واباركلك ياسعد المناسبات ياعيون اختك وياجوهره المغرب الفاخره

وبدي قلك هالعباره :-
لم تكوني انتقاءا يا صديقتي ... بل كنتي نعمة