صباح الخير يا حلوين
جالس احاول ارجع اكتب من جديد بعد فترة انقطعت فيها عن القراءه والكتابه
لكن خلونا نبدأ بالسوالف .. من باب التسخين
عندنا في الدوام اضافوا لنا الفتره هذي العنصر النسائي
شي جديد علينا الصراحه
حاليا لهم معنا كذا شهر كنا خايفين من تواجدهم وانهم ماراح ينجزوا زينا ويمكن يلخبطوا علينا العمل
لكن ما شاء الله عليهم ..كانت اضافه رائعه جدا
عندهم جديه في العمل .. وانجاز للمهام ..واهتمام ومسؤليه وترتيب وتنظيم
وهذا الشي شفته في اغلبهم
في البدايه تعبنا معهم وعانينا من الأخطاء ... لكن بعد ما تمرسوا وتعلموا .. ابدعوا والله
فيه معاملات كانت تاخذ ايام ... وبعد ما اشتغلوا معنا البنات اصبح الوضع مختلف واسرع
المعامله في نفس اليوم يتم انجازها
الشباب عندنا جيدين ولكن مو اغلبهم يمتازون بصفة الجديه والانجاز ..قليل الي يتحلون بهـ الصفه
وهذا الشي الي شفته مختلف بيننا وبين العنصر النسائي في العمل
الغالبيه فيهم حرص واهتمام ما شاء الله عليهم ..الله يوفقهم يارب