قبل م انام وصلني تعليق حبيت اشارككم فيه واعلق

-

الدخان مقزز ومضر لصحة الواحد يفكر بصحته .. اول دخول للمدونه حبيت اعلق ع الجزئية .. لي اخ مدخن ارفض يدخن جوا البيت لأن رائحة السجائر مقرفة مقززة ودائما ادعي ربي انه يقلع عنه المشكلة في المدخنين يدرون انه انتحار وصاملين حتى شركات الدخان حطت صور تشوفون


-
جزاك الله خير على النصيحه والله يبعدنا عنه من غير شر

قلت في تعليقي نادر م ادخن عند احد
ايضاً مستحيل ادخن في البيت احترام لمشاعر اهلي وللحين مايعرفون اني ادخن
ممكن اخوي اصغر نني اللي بيني وبينه سنتين
مستحيل ادخن في مكان مغلق
هذا ابتلاء طحنا فيه في وقت طيش وحب التجربه والمغامره

وندري ان ريحته مقززه ولكن هذي ترجع للنظافه الشخصيه
وترجع للشخص نفسه

مستحيل مثلاً اقعد مع اهلي وريحتي دخان
ومستحيل ايضاً اروح مجلس وريحتي دخان
النظافه الشخصيه انا من قبل كورونا بعد م ادخن انظف يدي
وافرش ٥ مرات ب اليوم هذا غير غسول الفم والخ
في عطور للمدخنين اذا حط منها المدخن تدخل مع ريحة الدخان
وتعطي ريحه مميزه

يعني من ناحيه مقزز هذي ترجع لسلوك الشخص

النقطة المهمه في كلامك ( ضرر على الصحه )
اتفق معك مليون بالميه الله يكفينا شره


شكراً تعليقك اسعدني حبيت اعرضه عندي عشان المدخنين يقرون كلامك ويحترمون مشاعر اهلهم