اكتر حاجة كلنا بننسى نحافظ عليها هي مشاعرنا، ساعات كدا بنسيبها ملطشة للي رايح و اللي جاي. الحياة فيها حاجات كتير اوي ممكن تحصل غصب عننا و ملناش يد فيها ممكن تأذي مشاعرنا و دي حاجة مش بايدينا، لكن في حاجات ممكن تكون في ايدينا نقدر نحافظ بيها على مشاعرنا. في ناس ممكن تظهر في حياتنا و تخربش بالراحة في مشاعرك و كأنهم بيجسوا النبض عشان يعرفوا درجة تحملك، لو سبتهم هيكملوا و يدوسوا للاخر لغاية ما مشاعرك تموت. من الاول كدا لما تلاقي حد بينبش وبيجرح على خفيف ، شيله خالص من حياتك قبل العلاج ما يكون صعب. انت كدا كدا هتشيله، بس البعد من الاول بيديك مشاعر سلام جميلة ، بس البعد في الاخر بيديك مشاعر غضب مخيفة. مشاعرك دي غالية و غالية اوي كمان