ً
ً
مين قال فرص الزواج
تقل في سن معين !
هذا اسمه نصيب ..
والنصيب والموت
ما يعلمهم الا الله
كثير تزوجن وهن
بسن اكبر من بنت اختك
لان النصيب بيد الله مو بيد الناس

الشي الثاني ..
مدري من فين تجيبوا ذا المعلومات
وان نسبة الخصوبة تقل بعد سن كذا وكذا !
العبرة بالصحة فقط ..
اذاكانت صحتها طيبة
عادي لو صار عمرها خمسين ..
المهم بلاش اوهام وتخيلات

انصحيها تدعي الله بكل وقت
وتلح في دعاءها على الله وتبكي
ترا مو عيب لو بكت وهي تدعي
وتتصدق بنية الزواج
وتتحين اوقات استجابة الدعاء
والمهم لا تقلق ولا تفكر كثير
ولا تصير حساسة ..
لان مافي احد زوج نفسه
كله نصيب والله المقدر والمتصرف
وعادي تحضر باي مكان
ولا يهمها اي احد
واللي راح تسالها وتقول تزوجتي ؟
او وش فيك ما تزوجتي ؟
ترد وتقول كثير خطاب جوا
بس مالي رغبه اتزوج .. مرتاحه كذا
القصد تحشرهم في زاوية
وهم راح يبطلون يسالون

وبعدين احنا ما ندري وش الخيرة ؟
ياما بنات تزوجن
وسنه او اقل وهي ببيت اهلها

لذلك الدنيا ما انتهت
اذا تاخرت في الزواج
او حتى ما تزوجت ..

نسيت اقول مو عيب
لو اختك او زوجها
يدورن لها على زوج
عادي يرسلون احد
يكلم اللي يرغبون فيه
ويقول له بدون يذكر
بانهم هم من ارسله
مع ان مافيها شي
لو ابوها كلم اي احد
وخطبه لبنته ..
هذا عمر بن الخطاب
عرض بنته حفصه
على عثمان وابو بكر ..
وما جاوبوا عليه وزعل
ويوم تزوجها النبي
جاه ابو بكر وقال
ما منعني ان ارد عليك
الا لاني سمعت النبي يذكرها ..

اسال الله العلي العظيم ان يرزقها
ويرزق كل من لم تتزوج بالزوج الصالح
اللهم امين ..

ِ