على طاري المحبة وساعاتي لها علاقة بتطرفي
فديت أمي كله تقولي أنتِ أنتِ
أقلها شفيني،،
تقول أنتِ أن حبتك عيني ما ضامك الدهر
طبعا أمي تقصد لو أحب حد معين ،، أقاتل ولا حدن يذمه
تعرف طبعي ،،
لو اعاتبهم بيني وبينهم على موقف ،، لكن لو نقد على من أعزهم أي
شخص يكون الدفاع حاضر
من هنا أمي دايمااا تقولي ذي المثل
فقامت لما تقول بدايته أكمله عنها
وأخواني يضحكون من صجها أمي ،، أقولهم أي والله من صجها
علاقة أمي بواحد من أخواني جدا جدا مميزة ،، فدائما يقولها
يما قولي ليش أنا المفضل عندج قدامنا على أساس شوفوني
فتحاول طبعا ما تبين أنه هو السبيشل عنها
ترد عليه كلكم نفس الشي
أقولها: والله مب نفس الشي واضح أصلا التفرقة
حقيقة إذا حبتك عيني ما ضامك الدهر
خلونا شوي نستلمها مثل ما تستلمني،،
وعلاقتي مع ذي الأخ جدا حلوة ،، هو يلعوزني دائما ،، و و و
لكن علاقته معاي جدا روعة فلما يستلم أمي من ذي الجانب أأيده
بس بصراحة هي واضح تحبه غير
تحاول تنكر بس القلب
وحقيقة هو ينحب والله الأخ نعمة كبيرة عضيد وسند
لكن أغسل يدك منه تسافر معاه ،، الجمعة حلوة معاه بطلعات في الدوحة
لكن تسافر معاه والله وهقة كلش مب فكرة سديدة يستثقل مشاوير التسوق و و و
والله كل أخواني فيهم الخير جعلني ما خلا منهم،،