منتديات مسك الغلا | al2la.com - عرض مشاركة واحدة

**أميرة الغيم** · 11-26-21, 08:49 PM

المشاركة الأصلية كتبت بواسطة ŢαŢμαŊα

يسعد مساكم جميعا
ويعطيكي الف عافيه عزيزتي سماء ع موضوعك الحواري الرائع والشيق

لو فتحوا تخصص عسكري للفتيات ..في الدفاع والطيران مثلا والبحرية وجتك الفرصة
تدخلي هالقسم ؟؟؟
ولو جتك وظيفة بالجيش أو العسكرية ..تدخليها؟؟؟
مع ذكر السبب ..(ان كان لا أو نعم )

وجوابي هو // نعم للسؤالين ... بتشرف وبفتخر أني أخدم بلدي
ومابتفرق عندي أي مجال (أذا كانت مهندسة طيران أو طبيبة عسكرية) مع أنو مجالي الحالي
كــ (مهندسة مشاريع) أفضلهم وأقربهم لشخصيتي والى قلبي
بس هيدا مابيمنع أنو المرأة تحاول تدرس بمجالات مختلفة وتكسب مهارات قتالية خاصه وتحاول ع القليل تحمي حالها
في حالة اذا حدا اتعرض لها (مش تقف مكتوفة الايدين بأنتظار رجل بطل يدافع عنها)
ولنا أمثلة خالدة ومشرفة في بطلاتنا وشهيداتنا الكورديات العظيمات في (عفرين وكوباني) يلي دافعن ببسالة وبضراوة
عن ارضهم وعرضهم واهاليهم ضد الدواعش واعداء السلام والإنسانية ودفعو ارواحهم ودمائهم فداءا
اما الانتصار وطرد العدو المغتصب او الموت والاستشهاد بشرف عن الوطن

وحسب رؤيتي الخاصه أنا بشوف أنو الأمم والبلدان يلي بيعطو مكانة ومنزلة عالية لنسائهم وبيتعاملو معهم كــ أنسان (وليس كجنس ضعيف) بيتقدمو وبيتطورو بسرعه ,, والعكس صحيح مرح يتطورو البلدان والامم يلي معتبرين نسائهم مجرد ادواة لخدمة الرجل والأطفال والبيت فقط , بيحصرو ادوارهم وبيخنقو طاقاتهم , وبيسلبوهم حق القرار وفرصة تثبيت ذاتهم بإيجاد دراسة او عمل قريب منهم ويمنعوهم من خدمة المجتمع والبلد بحجة الحماية والحفاظ عليهم

لا سيما بزماننا الحالي تواجد و عمل المرأة بكافة مجالات الحياة أصبحت ضرورة حتمية
فــ في النهاية الانسان لازم يؤدي دورو ورسالتو في الحياة أذا كان رجل او مرأة
ورب العالمين يحاسبنا كــ أنسان وليس كـ رجل او مرأة !!

اهلا ومرحبا بك تاتي
وشكرا لذاتك وحضورك
واجاباتك