..
















صباحكم فرح ومسرات يارب

توني من شوي كنت في تويتر

قريت مشكلة بنت تقول عمرها 29 سنه

أمها ترفض الخطاب بدون سبب وودها الناس يشورون عليها كيف تتصرف

الغريب شفت فئه عددهم مو قليل والله

يقولون لها هذولي اهلك وكيف تتكلمين عنهم كذا وما أعرف ايش

انا وضعي صار كذا؟؟؟؟؟؟؟؟؟

ما ادري البنت غلطت بإيش

لأنهم اهلها يعضلونها ويحرمونها من حقها اللي شرعه لها رب العباد

يعني الأهل حسب تفكير البعض لو دمروا حياة بناتهم او أبنائهم

خلاص يسكتون ؟؟ ايش المنطق الغريب هذا !!

ترا الدين ما قال اذا الأهل عضلوا بناتهم البنات يسكتون

واصلا ودي افهم عقلية بعض الأهالي ليش تحرمون بناتكم حق من حقوقهم

ايش الأنانيه هاذي انا ماني فاهمه هالنقطه

ليش اخلف بنات واحرمهم حقوقهم اذا كذا ماراح اخلفهم من الأساس

مع كامل احترامي انا اشوف هالفئه هم من الفئات اللي غير مؤهله للزواج ولإنجاب أبناء

أي شخص قبل لا يخلف أبناء ويجيبهم على الدنيا

يفكر فيهم زين مو يجيبهم ويطلع عقده النفسيه عليهم

صراحه ما تمنيت اقرأ هالمشكله ببداية اليوم

ملاحظه : ادري البعض راح يقول وش عرفك أنها صادقه

حتى لو ما كانت هاذي صادقه

فيه نماذج بالواقع كثير مثل وضع هالبنت،

فيه ناس بعيدين كل البعد عن الدين ويجهلون فيه الكثير والكثير .















..