لو رسى دمعي ولا بلل ضفافك
لو ما هز هالشوق قلبك لا تجين
الغدر أدري إنه مو من صفاتك
صاحبي ودي بشوفك كل حين
إبعدتنا المسافة وطال ترحالك
والزمن يطعنا بشلفا و سكين
كنت هايم فيك وطامع وصالك
يوم المسافة بيننا بس مترين
سافرتِ للغربة تحققِ أحلامك
وأنا أموت فكل ساعة وحين
تذكار المحبة حطيه اقبالك
لا شك في يومٍ تبي ترجعين
كنت أحسب العمر بخطواتك
يبتدي عمري من يوم تمشين
لين دمعة الشوق بلت ضفافك
وأنا أنتظر موعد اللقيا يحين