حتى كان ماتشوفك عيني
دايم دوم في حلمي تجيني
ديما معايا
وديما بقلبك ياعزيز احذايا
يعلم بيا ربنا مولايا
مرايف عليك القلب زاد حنيني
إلا العين من بعدك بدت بكايا
ان كاني ذكرتك ياربيع اسنيني
تجي في منام العين
تجي تزورني مابين حين وحين
نفرح وقلبي في الصميم حزين
عارف ان الاوهام بتخليني
ونصحى وصدري بالاوجاع ينين
وماهناش من بعدك يجي يداويني
ماهناش من يسواك
ياللي خذيت القلب راح معاك
ديما على لساني حروف سماك
نسمع فصوتك دوم بتناديني
هذي حكاية قلب عاش غلاك
نارك قويه لهبها كاويني