يوم انسدل من ظلمة الليل ثلثين
ليل عوى ذيبه ونامت نعاجه
فزيت من نومي ودمعي عل العين
فزت سجين ما يبى الا خراجه
وجريت صوتي والمخاليق ممسين
لعل فيه من الهموم انفراجه
ولعل به عن جابر الهم تسكين
ولعل به عن ضيقه الصدر باجه
سر ياقلم واكتب خفي المضامين
من هاجس بالقلب زاد اختلاجه
ياصل لابو مشعل كعام المعادين
علاج هم المشتكي وانسهاجه
يانقوه زحول الرجال الميامين
يا مبري سقم العليل وعلاجه
اسمع نصيحة تنشرى بالملايين
قبل ان تالي العمر يطفي سراحه
مايقهر الرجال يا كود ثنتين
تكسر عزومه في نهار المواجه
الاوله لاصار غرقان في الدين
واقرب قريب مادرى باحتياجه
والثانية لا من وقع حظه الشين
ثم صار له عند أرذل الخلق حاجه &