من مدونة ومضه
 | |  |
| تقدير مشاعر الغير من أرقى درجات حسن الخلق:
لما تحس حد فرحان افرح معاه وحسسه بفرحتك له
ولما تحس حد مضايق قدر شعوره ومتقللش منه ومتقسش احتماله على نفسك.
أعطى للى بتحبه المشاعر اللى هو محتاجها فى الوقت اللى هو محتاجه مش الوقت اللى يناسبك أنت
(طبعاً قدر الإستطاعة)
لأن المشاعر وقتية لا تؤجل !!
لما تكون عارف إن الشىء ده بيفرح حد اعمله له حتى لو فى نظرك غير مهم
وقصة ( لأن تأتى متأخراً خير من أن لا تأتى )
دى مش قاعدة عامة دى لما تكون غصب عنك مقدرتش تيجى فى الوقت اللى المفروض تيجى فيه.
قال رسول الله صلى الله عليه وسلم:" أقربكم منى مجلساً يوم القيامة أحاسنكم أخلاقًا"
ودى بقى فيها تنافس شديد مش أى حد يوصلها
وزى ما الجنة درجااات فا حسن الخلق بردو درجات
فلما تلاقى حد بيطبق التفاصيل الصغيرة دى وبيحترمها ويقدرها بدل ما تقول عليه أوفر أوى ومزودها اتعلم منه وحاول تعمل زيه.
كان من دعاء أحسن الناس خلقاً صلى الله عليه وسلم:
" اللهم اهدنى لأحسن الأخلاق واصرف عنى سيئها".
قال ابن القيم:" الدين كله خلق فما زاد عليك فى الخلق زاد عليك فى الدين ".
سبحان من جعل البسمة صدقة فى ديننا
فله المحامد والمدائح كلها سبحانه وبحمده.
| |
 | |  |
رساله سهله بسيطه لكنها عميقه جدا
من الأعماق شكرا لهذا الوهج
مدونة ومضات
https://www.al2la.com/vb/t118990-28.html#post2997586 