لك وقفت

وشلت حزني وسط صدري
وانتظرتك

والأمل راح وخذلني

كم مرَّة قلت يمكن
وكل مرة ما تجين

وأنا ما زلت .. انتظر

انتظر وعد السنين
ولا رجعتِ


كم سألني هاجسي ..
ليه انتظرتك ؟!
رغم إنِّك مستحيل


ما درى عنِّي هجوسي
إني أحيا بانتظارك
وان أقسى من مرارك
فكرة إنِّك ما تجين


يكفي إني كل يوم ..
أقول هانت
ما بقى إلا ترد
(إهيا) أَعطتني وعد


ولاْ انتهي يومي أقول أكيد باكر


يكفي إن عندي شعور أعيش لَـ اجله
اتركوا لي ذا الشعور


ما أبي ناصح شفيق
لا ، ولا فزعة رفيق


التدخل في حياتي
زاد فوق الضيق ضيق


ذا طريقي ..
وأنا قررت بشجاعة
إني أمشي ذا الطريق


لن أُبالي بالعواقب
حتى لو دربي مُخيف


أنا من يوم افترقنا
صرت في ذا الكون طيف
وتساوى في عيوني
الربيع وايَّا الخريف


تصدقين ..

خايف إن اللي مضى غفوة
وإنك تحلمين


كان هذا حلم .. اصحي
حرريني من قيود الانتظار


وإذا واقع .. عودي حالا
قبل لا يفوت القطار


ولا نلاقي أي مينا
وَ لَا يحضنَّا مطار


آه يـَ خوفي ..
ما نلاقي بكرة ..
حتى .. الانتظار





سُهيل