ماتعيش القصايد في رجا من قرا
قبل مولد قصيدة كم توفى شعور
كنت احيك السوالف لين صوتي سرى
وصرت أدوّر لصوتي أي سكة عبور
أخذ بخاطر اللي خاطره مابرا
غصب عن عين قلبي صار قلبي صبور
الحبايب منافي والرفاقه ذرى
عن هبوب الزمان وعن جفاف الصدور
جعلني فدوة اللي للمواصل شرا
واللي اقفت عيونه بالغياب معذور
آه وش حيلة اللي قطّ همّه ورا؟
وكل ما لدّ شافه يسبقه بالحضور
ويتغافل حنينه بالخفا مادرا
لين مسّاه حزنه بالرضا والسرور
أنت ما لك بصدري والضلوع اخشرا
غير وجهك وهمس بالمحاني جمهور
قدّ ماني بكيتك بالشعر لاطرى
وقدّ مادمّ قلبي لاذكرتك يفور
صرت أنا والأغاني والقصيد عشرا
لين خفت العواطف من غناها تبور
إن ظلمت بغيابك من تحبه ترى
المسافه قصيرة والليالي تدور
دام الأرواح تفنى والجسد للثرى
من يبيح السنابل لو تموت الطيور .