يسعد مساكم جميعا بالخيرات والمسرات
خاصتا زوار مدونتي الرائعين وكل الحبايب يلي سألو عن غيابي
كلكم ذوق الله يبارك فيكم ويسعدكم

كتر خير الله أنا منيحة وشتأتلكن انا كمان
بس هيدي الفترة قلت مشاركتي في المنتدى (ماعدا مسابقتي الحاليه يلي من واجبي اني اتابعها بدقة ولحطة بلحظة كرمال استقبل قصص المشتركين وانزلها بعد التدقيق)

سبب قلة مشاركتي لأنو بعد ليلة الاربعاء وصباح الخميس تعطل لابتوبي الجديد Lenovo ولحد هلأ هو عند المصلح وماتم تصليحو
لهيك حاولت ارجع لمنتدانا من لابتوبي السابق mac يلي قبل مكان في اي مشكلة , وهلأ وقت احتجتلو لقيتو شاشتو عالقة ومجمدة اخدتو عند خبير قلي لازم يعمللو فورمات كامل , وهيك مااستفدت منها
هالمرة حاولت أشارك من أيبادي كان بطئي جدا وبينشف الدم , لهيك اضطريت افوت من جوالي وهيدا أضعف الأيمان واكتر شي مابحبو , اني انجبر اعتمد ع شاشة زغيرة متل الجوال , ومابقدر اعتمد عليه بشغلي كمراقبة وكمسؤلة مسابقات كمان , والأفظع اني هالفترة عندي أهم مسابقه حصرية أدبية وناطرة قصص المشتركين , وهلأ بنزلهم من الجوال الله أعلم كيف طالعين !!
وهيدا الشي مسببلي ديق لأني معوده أهتم كتير بكل تفاصيل وترتيب واناقة واخراج مواضيعي, وبدي كل نقطة تكون بمحلها وبأذن الله أني اقدم شغل بيرفيكت مافيها ولا غلطه !!

بس شو بدنا نعمول , كتر خير الله ع كلشي الاهم اني مكفيه شغلي في المسابقه ع اتم وجه مندون ماحدا يعرف ويحس أديش القصة متعبة ومهلكة أنك تدقق وتنزل مواضيع من الجوال
هيدي مسابقتي وهيدول مشتركيني الغاليين رحوبعمول كلشي كرمالن كرمال تطلع قصصهم بأيهى طله , لهيك أنا مواضبة وبعمل ريكلام مستمر ومتواصل لمشاركاتهم وبالعناوين يلي هم اختاروه في صندوق المحادثات
كرمال اسحب دعم واهتمام وتقدير أعضاء منتدانا الاعزاء لهالروائع القصصية يلي قدموه نجومنا المشتركين , وهم بيستاهلو من الجميع دعم كتير قوي وزيارة قصصهم الأنيقه وترك تعاليق مشجعه وقويه