ياليت للمنتدى منصه وتطبيق
........ويمنع دخوله دون بطاقة احوال

نبي الاسم واضح ولا فيه تلفيق
.........ناخذ ونعطي مع الذريبن موال

بعض الاوادم كل هرجه خثاريق
..........صورة مقامه بين الاشباح وازوال

ما ينقض الميثاق الا الزناديق
......... ...مثل الذي بين الاجاويد سوال

اشوف بعض الناس ماوده يفيق
........مايعرف التحليل وقياس الاطوال

ماكنه الا الحمص و عيال الاغريق
..........اهداف نفسه عسكريمه وجوال

وجه ذميم وشين ما يبلع الريق
.......... وش عرف الديدان محرم وشوال

وجه الخيانه فيه و الخبث والضيق
............وعن مجلس الغالين مناك صوال

ياراعي البرقع فضحيتك تنميق
...........وانت الفضيحه والفضايح والاغوال

قلوب البشر اسرار مثل الصناديق
.........فيها من الالغاز ومن بعض الاهوال

احدن تقول حصان والاصل بطريق
..........واحدن علينا بدل الشماغ بشوال

يلقى من الشعار للضرب تصديق
.........يجعل شبيه الوسم مغراف فوال

ماينفع الترقيع بشوي تصفيق
.........ما ينفع الا ختم الافعال باقوال

يشبه بقايا القيح وحثال اباريق
...........متسلسل الاحقاد من اعمام واخوال

هذا جزا الي ناقض(ن)للمواثيق
...... ....مادام لا رجال ولا طيّب عوال

سلمان