انقول انحبك
ياريت طول العمر نبقى جنبك
انعيش الغلا كله معاك بقربك
عيشه سعيده فرح واطمئنان
وفي الصوب نا نمشي معاك فدربك
نعيشوا غلانا ونتركوا الاحزان
سكنته كنيني ونا سكنته قلبك
صرت عندي مثيل الدم في الشريان
انقول بقوة
حبك سكن في القلب داخل جوه
انريد نعلنه لناس توا توا
امسيطر عليا اليوم ليه زمان
مازال حبك دوم كي ماهو
انريد نعلنه مليت م الكتمان
حكينا جميع وصار وقت الدوه
نبي يعرفوا قداش نا ولهان
حاجه روعه
حبك طلع حصري فريد فنوعه
قلبي معاه منورات شموعه
اللي قبل طافي مظلمه الاركان
صورة خيالك داخلي مطبوعه
مرايف عليك ارياف حد اللوعه
ونا انقولك موعد غلانا حان