انريد اجابه...اللي عاشقك غايب وطال اغيابه
فيك يافرس ننشد
انريد اجابه
ننشد فيك...اليوم يافرس راني نزيل عليك
اهناك شخص من مدة تولع بيك
ومع صهلتك ينسى جميع اتعابه
مليوع يافرس ديما مع طاريك
انتي هواه و وكلته وشرابه
واليوم يافرس جيتك ونا نبيك
اتجيبي اخبار اللي لذيذ جوابه
احكيلي عنه
له زمان ناسينا وغايب كنه
ونا علي ايغيب مانحسابه
كانن اخباره كل يوم ايجنه
وكانت اتهب ونسمته جذابه
يافرس ياجيدة
يم السبيب ايميح كي الجريدة
اتجي بفارسك اتخشي علي اللهلابة
العز والفخر مدعاك
نشدتك اليوم بلهجتي الجديدة
ردي سؤالي في سطور اكتابة
انريد اجابه
اللي عاشقك غايب وطال غيابه
فيك يافرس ننشد