كنت متحير وذا سر الحياة
وللأسف الحين ماعدت متحير
كنت أطير من ورق سرب وقطاه
وللأسف ماصرت مثل أول أطير
كنت طفل صغير أحلامه فضاه
كبرت أحلامه عليه وهو صغير
كلن عندي لكل عصفور حصاه
كنت أسمع كنت أفكر كنت أغير
الوجود يضيق من كل اتجاه
الأمل شكاك والصبر متطير
تلفت جروحي علي الانتباه
جرح يودع وجرحين يسير
ليت لي من ضيقتي قفر ومتاه
وقلب مستهتر وعزم وعقل نيير
وليت لي من ضيقتي ضحكة شفاه
ضحكة تبطي بهالعمر القصير .