سبب الاحتفال هو ابتعاد عن الدين وضعف الايمان......
لو الواحد يكون حاط في باله نحن مسلمين وعندنا عيد الفطر وعيد الاضحى وعندنا يوم الجمعه هو عيد للمسلمين وتعلم ابنائك هذا الشيء خلاص أي عيد ثاني يخترعه الناس مايهمهم ولا يحرك فيهم شيء لانه خلاص يعرف دينه شنو يقول.....
الحب في كل وقت وكل ساعه وكل ثانيه وتقدر تعبر عليه متى ما تبي بكل الطرق ....
لكن لما تلقى الام تحتفل والاب يحتفل والعمه ولا الخاله تجمع ابناء العيله وهيا بنحتفلوا وهدايا وكلام فاضي كيف تبي الجيل يعرف دينه ويقوى ايمانه ويكون مسلم كويس .....
تلقاها تحتفل هي وزوجها بعيد الحب على قولتهم والسنه الجايه تحتفل بطلاقها منه .....عليك حاله وخلاص .....
كله ضعف ايمان وبعد عن تعاليم الدين وعدم معرفة الامور الى قالها لنا الرسول عليه الصلاة والسلام والي نهانا عنها ......
لو المسلم يقوي ايمانه مايصير فيه الي صاير توا من الانحراف وبعد عن الدين.....
نسأل الله العافيه