من لا عانه الله غدى حاله زملوق
وجسمه من الحزن غادي كليفي
مالومك وعسى لايمك ماله سوق
يطيح حظه و ما يلقى له وليفي
وأهل الزمان ياسابق وإلا مسبوق
ومكسورة الجناحين مالها رفيفي
اما اعتزت بربها وإلا للمر بتذوق
ومن كثر البكاء بتصير كالكفيفي
ومن استعان بالله حظه مطلوق
وبإذن الله يعين له ظل او ريفي
وهني من عنده خل عليه شفوق
تساوى طقوسه في برد وصيفي
في وقت الشتاء دفء به يروق
ووقت الصيف يلقاه كما التكيفي
الشاعر/ حمد بن فهد المخالده السبيعي