عرض مشاركة واحدة
قديم 02-28-22, 01:28 PM   #7
الغند

الصورة الرمزية الغند

آخر زيارة »  05-07-24 (10:47 AM)

 الأوسمة و جوائز

افتراضي




عسى ما ازعلتك البارح وزودت الجراح جراح
عسى مامرت الدمعه على اهدابك من اسبابي


جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي


بدون شعور صدقني ترى كثر الغلا ذباح
تعال وشوف بغيابك غلاك شلون سوابي



حرام تغيب من عمري وتعطيني الفراق وشاح
حرام الدمع في عيني مناديله هي أهدابي


غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي



تلفت للأمل دام الرجا في عمري الملواح
أناديلك ولو شرهة وصولك يقطع أعصابي


أبيك الجاي من عمري أنا مابيك شي وراح
مدامك أجمل وأخر مدامك أول أحبابي



أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي



 
التعديل الأخير تم بواسطة الغند ; 02-28-22 الساعة 01:53 PM

رد مع اقتباس