على رسم القدر امشي اصور راحتي ورضاي
وأصبّر بالعنا نفسي إذا إشتاقت وأمنّيها
تصورت الدهر يوقف يواسيني على بلواي
وهو في موقف آلامي صدى الآهات يحييها
تصاريف الدهر تقسى وتملا بالكدر مجراي
تقول إشرب ألم نفسك.. عطش ياهيه وارويها
وحسبي لاتزيد الهم ترا همّي إنكتب بدماي
وأنا في غربتك غربه تتوه بخطوتك فيها
وحسبي لاتسل الحرف تثير اللي سكن بحشاي
وتنبش في ثرى الماضي.. تصحي وجد غافيها
وكيف أقدر اطول الشمس وهي تبعد وانابأقصاي
أمد إيديني ...ترجع لي... ولا تقدر تحاديها
الا يا ملهمي حرفك لمس من خاطري معناي
وكن بدمعتك عيني تجاريها وتجريها
رعاك الله ياوقتٍ مضى من صفوتي وصباي
وحلم ٍ قد عزف نبضه على نغمات حاديها