ألا ياموت تكفى مر يمي
وخذني للحياة البرزخية

ولكني أخاف دموع أمي
علي تنزل وتصبح بي شقية

وحب أمي ترى يجري بدمي
ولا أرضى على أمي الاذية

وش الحيلة وأنا الأيام همي
يمر الوقت ودموعي ندية

ولجروحي أجي وأقول سمي
تعالي ياجروحي السرمدية

ولا قد نفّعني خالي وعمي
ولا به حد يرحمني شوية

ولو شفت الأوادم بي تذمي
فا انا أصل(ن) حليم وماعليه

وأنا مدري وش اللي كان جرمي
عشان أعيش في هذي الأسية

ولكني ولو هالوقت خصمي
أباحاول أفوز بهالقضية

ألا ياموت تعال اليوم يمي
وخذني للحياة البرزخية