السلام عليكم ورحمة الله وبركاته


كاسترد بالجيلي

المقادير:

٢ باكيت جيلي فراولة
نصف كوب سكر
٢ كوب ماء ساخن
فراولة

مقادير الكاسترد وطريقته:
٢ بيضة
نصف لتر حليب
نصف كوب سكر
ربع كوب نشا
٢ كيس فانيليا

طريقة الكاسترد:
بتحطي اللبن علي النار يدفي وفي بولة برة بتحطي البيض والسكر تضربيهم كويس لحد ما يبقي لونهم كريمي شويا ومعاهم الفانليا وبعد كدة حطي النشا معاهم تختلط كويس بيهم وخدي كبشة من اللبن الدافي اللي علي النار حطيها علي الخليط وقلبيهم كويس وحطيهم كلهم في باقي اللبن اللي علي النار وافضلي قلبي لحد ما يتقل واقفلي عليه وحطيه في بولة وغطيه بكيس الكيس يبقي لامس الكاسترد علشان ميعملش قشرة..
هنحط الكاسترد في البولة ونحطها في الثلاجة يمسك لمدة ساعة ونطلعه نحط عليه قطع الفراولة وعليه الجيلي ونحط البولة في الثلاجة لمدة ساعة كمان ونطلعها وبالهنا والشفا..
الجيلي هنحط علي الباكيت كوب واحد من المياه الساخنة علشان يبقي مركز اكتر ويمسك اسرع...

وبالعافية