 |  | |  |
| اول شيء خلي نتفاهموا بأن التعدد هو شرع الله....يعني هذه النقطه مافيها جدال او نقاش نهائي وأي شخص يبي يناقش او يكون ضد يمشي للعلماء ويسأل عن دينه لانها مصيبه اذا كنت ضد الشرع
رجل يبي يعدد مادار شيء حرام او عيب...
خلاص هذه النقطه تفاهمنا فيها
نجي لنقطه مهمه وهي السبب في نجاح هذا التعدد او فشله وهو الرجل .....لما الرجل يبي يعدد لازم يكون هذا الرجل قادر انه يفتح بيت ويكون مستعد لكل شيء ويسيطر على كل الامور الي بتصير بعدين... ويحط كل الاحتمالات في باله حتى يعيش مرتاح معهم بدون هم وغم ومشاكل وكل وحده فيهم يدير لها حدود ماتتجاوزها مع الثانيه ....
الانسان لما يبي يتزوج يبي يستقر ويكون مرتاح البال مش يجيب المشاكل لنفسه .....النكد والهم مش حلو
نجي لنقطه ثانيه العدل وهذا الشي لازم يحطه في باله تظلم زوجه على حساب زوجه اخرى حرام عليك ايه صح في قلبك تميل لوحده عن الثانيه وهذا شيء ماتقدر تتحكم فيه .......لكن اعدل بينهم ولا تظلمهم
الرسول عليه الصلاة والسلام قال ( اللهم هذا قسمي فيما املك فلا تلمني فيما تملك ولا أملك )
........
طبعا فيه كثير قصص تعدد مرت عليا وفيها كثير مشاكل والسبب الاساسي هو الزوج يعني انت تبي تعدد حرام عليك تظلم بنت الناس
مره وحده تقول تقدم لي شخص متزوج و وافقت عليه وتزوجنا مشت الشهور الاولى عادي وكنت اسكن في بيت بعيد عن بيت زوجته الاولى ....بعدها فجأه الرجل ماعاد يجيني ويقعد مع زوجته الاولى في منطقه ثانيه وتركني في البيت لوحدي في مكان ما اعرف فيه احد ...لما اتصل بيه القى جواله مقفل كل ما احاول لا رد منه .....يجي في الصباح بدون ما احس بيه يحط اكل ويمشي بدون ما اشوفه نهائي وكأنه سارق والمشكله انا حامل وتعبانه ولا عبرني نهائي نفسيتي تعبت منه وهو يهرب مني ويمشي لزوجته الاولى قالت اهلي يسكنوا في مدينه ثانيه كلمتهم وجوا اخذوني قعدت فترة عندهم وجا زوجي يبي يرجعني انا رفضت لانه اهملني وخلاني في بيت لوحدي مع جيران غرباء ومنطقه غريبه عني حاول وحاول قلت على خاطر طفلي ارجع له واعطيه فرصه...
تقول مشت الايام الاولى عادي وبعدها رجع لنفس الموال وماعاد يجيني.... يجي يحط الاكل في الصباح ويهرب وما اشوفه
تحكي وتقول حتى اليوم الي انجبت فيه هو مش موجود معي اتصل بيه مقفل اتصلت بأختي وزوج اختي جوني واخذوني للمستشفي وانجبت بنت ومشيت لبيت اهلي على طول لا سأل على بنته ولا شافها ولا شيء بعد شهور رجع ويبي يردني اهلي قالوا لي تطلقي وانا في نيتي الطلاق لكن افكر في بنتي وحياتي كيف بتكون ومش عارفه ارجع او لا
المهم تعليقات النساء قالوا لها بعد الي صار معك مازال تبي ترجعي له تطلقي احسن ما تجيبي منه اطفال بنت احسن من 2 و3
بصراحه ما علقت ولا تكلمت لاني تأثرت جدا من القصه .....تبي تعدد ليش تظلم بنت الناس وتحطها في رقبتك والمسكينه تبي تستقر وتتزوج وترتاح لقت نفسها في دوامه ماعرفت كيف تطلع منها.....ربي يفرج عليها
وفيه عندي قصص ثانيه تسد النفس وحزينه من هذا النوع لكن خلاص ماعندي نيه اكتبها لان القصه هذي كل ما اتذكرها يجني الحزن واحزن على الأم وبنتها ....هو باعها ..اهلها كل شخص في حاله ... قعدت هي الي تدفع في ضريبة هذا الزواج .......هو كل شيء نصيب وهذا قدرها
لهذا حط في بالك لو هربت وظلمت بنت الناس ماتقدر تهرب من ربي
تبي تتزوج وتعدد تزوج لكن اعدل وحط ربي قدام عيونك | |
 | |  |
.
.
.
يا لطيف أعوذ بالله اللى مو قد المسؤوليه لا يتزوج ولا يعدد لان التعدد يعني مسؤولية مضاعفه مو اي رجال يقدر عليها
وهذا السبب اللى يخلي بعض الرجال لما يتزوج الثانيه يشرط انه ما يبغا خلفه