يا شوق أنا قلبي لهوف على الليالي المقبلة
اخاف تطري لك ظروف وأخاف حبي تجهله
وأخاف أنا عينك تشوف غيري وحسنك يذهله
واحد أنا من الألوف منك الوداد اتأمله
الله أكبر يالهنوف دمي لكم من حلله
انكرت دليل قلب شغوف واصبح فؤادك يخذله
ان كان لك جدد صروف انسى غرامي واهمله
مادام قلبك مايروف ما في المحبة مشكلة
خلك على قلبي عفوف منك الجفا ما أتحمله
في داخلي شوق وخوف طالع فؤادي واسأله
ارجوك ياعذب الوصوف قلب الغلا لك ميله
لابد لك لحظة تطوف تنهي بحياتك مرحلة