،،
أمــي عن دروب الردّى نبّهتني
ووصتني أمشي بدرب السناعه
وشيمتي عن النقــايص منعتني
ماهو فرض عليّ ،لاوربي قناعه
أبقى على نهجي وسلومٍ ربّتني
ولي في سوق المبادي بضاعه
ولو نفسي على الغبن حدتني
كل ماشفت صنوف الوضاعه
أنقد العيب والحَــق أسرني
وأسفِّه الردي واكشف قناعه
باسي راسخٍ بين فكّي وسنّي
وكلٍ يفخر بما تجلب ذراعـــه
ماتعذرت بالوقت ولا كـــلّ متني
صامله في طريقي بكل شجاعه
يالايمي بالجفا تكفى لاتتهمني
الصلف ورثٍ ،حقٍ علي اتبـاعه
ماني خالي الذنب هذا ظني
واتوب واستغفر كل ســـاعه
،،