مالنا وقت / قصيدة البدر


كل شيء .. دايم في وقته.. ليه؟

كل شيء .. حنا نحبه ..

صعب نستعجل عليه ..

طيب .. ليه؟

يا ترى انتظار الشيء ..

هو سفرٍ اليه ؟

احملي اللحظة حجر ..

وطوحيها في المدى ..

تصبح الساعة .. دقيقه

غيري الزمن الحقيقه

طلعيني من الصور ..

من الخطوط .. الحزينه

اطلقيني من الشطوط

ومن مجاديف السفينه

اجمعي الصوت .. الصدى

احملي اللحظة حجر ..

وطوحيها في المدى

كل شيء دايم في وقته

عجيب ..

وكل شيء حنا نحبه

كثر ما يظهر يغيب

يا ترى .. منهو البعيد .. منهو القريب ؟

ما لنا وقت .. وقتنا دايم يجي

الزمان اللي يروح ..

وان سألتيني أحبك ..

كثر ما تشفى الجروح ..

اشطبيني الف ذكرى .. واكتبي ..

اللي يتذكر .. غبي

واللي ما ينسى غبي

ودي اشوفك .. باقي لحظه

هذا كل اللي ابي !