ي اختي
نسيت ايش قيمتك والله ههههههههه
الدراسة برمضان
درستها في أيام الحر في عدن
كنت امشي لها مشي
بيتنا وسط درج واحياء شعبية
يعني الطلعة والنزلة وحدها تدوخك
والمدرسة بلا مراوح ولا مكيفات لانه مافي كهربا نص الوقت اصلا
لا وكمان مدرس البدنية كان يخرجنا غصب
ونروح وقت الظهر مع الحجاب والبراقع
قسما بالله شوي وتطيرنا الريح من التعب
ونروح البيت نوصل وامي مجهزة لنا السكاكين والصحون
ع المطبخ نجهز الفطور ونقلي ونقطع ونحن نضحك
ونتضارب ونأكل اخواني وننظف البيت ونغسل بعدهم
نوصل للفراش ٩ الأ ونحن خرقة بالية
اتذكر مرة قيمتنا امي نتسحر ونحن رجعنا ننام
وقمنا ع صوت الاذان
سوينا سحور وناكل ع مهل
الأ وامي تظهر من باب المطبخ تصيح
ذا الاذان الثاني ي كسلانات
ونحن نشترق باللقمة
ذكريات
انتي وين رجعتيني بسطورك ذي
دمعت عيوني والله
احلى ايام عشتها