لاتتصل بي طابت النفس مابيـك
مابيـك دامـك بالمشاعـر تسـلا
مسحت رقمك والرسايـل وماضيـك
مابيـه يااللـي منـك مابيـه كـلا
خلاص أبرحل عن غرامـك وأخليـك
دام الغمـام اللـي بعينـي تجـلا
شف شخص ثاني يشبهك في مباديك
دلـو الخيانـه وسـط قلبـك تـدلا
وإلأ مثل شخصي خسـاره يحاكيـك
ياللـي فـؤادك باالخيانـه مُـحـلا
أول حبيبي ياحبيبـي وأنـا أغليـك
واليوم مالك فـي ضميـري محـلا
لاياخساره يوم مـن قلبـي أعطيـك
حب(ن) حقيقي وعين تبكـي تهـلا
وياما سهرت الليل وحـدي أناجيـك
وطيفك يمـر القلـب ومنـه يتحـلا
ماكان أحد(ن) في حياتـي يجاريـك
وماغيرك أحـد(ن) للفـؤاد أستحـلا
واليوم بانت لـي حقيقـة مواريـك
نجمك هوا مـن بعـد ماهـو تعـلا
ماعـاد أحبـك أو أودك ولا أبغيـك
وفـؤادي اللـي يعشقـك عنـك ولا
خلك مع الهجـران والبعـد خليـك
في نـار هجـري ياحبيبـي تـصـلا
ولاعـاد ترجعلـي ويكثـر ترجيـك
قلبي إذا أنـه عـاف عـاف وتخـلا