هاك قلبي لو لباس الوجع يكتسيه
لو تفكّر تحطّ لكل جرح امتداد
التعب فيه ماياكل من اللي يليه
مختلط فيه من بعد البياض السواد
كم لي أزرع حياة بداخله وارتجيه
والسنين تْعدّا مابيدها حصاد
أشعر اني بقايا والبقى مايبيه
مابه الا دموع وممتطيها الرقاد
وانت تطري على بالي وبالي شبيه
جمرةٍ عايشة مابين كومة رماد !
يمكن تْحنّ ، يمكن لا ، او يمكن ايه
آه ياثقل تعليق الأمل بـ العباد
ماتعلّقت فيك الاّ لأنّك نبيه
والنباهة فـ بعض أحيان قلّة رشاد !
والرشاد اللي مجنّب محاكيك ليه؟
ردّه يْقول : ردّ ، وغيبتك لاتعاد !