كل ما جيت المداهيل في ذاك المكان
تاقف الدنيا بعيني على بيت وممر
واحدٍ لا من ذكرته تذكرت الحنان
المشاعر في غيابه على خط الفقر
كل ذكرى جات منه لها فالقلب شان
سامح الله كل شيٍّ على بالي خطر
غايبي فرقاك دارت دوايرها الثمان
وانت لا كيلٍ طفح بك ولا ضمك نظر
ما لقيت من الليالي عقب فرقاك أمان
كون حزنٍ ما يهدي ودمعٍ مستمر
ماقدر ينساك قلبي ولو آن الاوان
جعل عذال الموده على وجهك نذر
انت قصة عمر عندي وتنهيدة زمان
لا تهونها التعازي و لا تقبل عذر
- حمد آل فطور