كلمة الصباح
ايام الدراسه والإذاعه المدرسية كنت المسؤل دائما عن كلمة الصباح
وأحياناً يحطوني المقدم للإذاعة
المهم ….
شوفوا يا حلوين
ركزوا معي
الحياه
صعبه …. وفنفس الوقت
سهله
وبناء نفسك
صعب …. وفنفس الوقت
سهل
وتغييرك لواقعك
صعب … وفنفس الوقت
سهل
والسعي وراء تحقيق اهدافك
صعب .. وفنفس الوقت
سهل
واضح ان ما عندي سالفه ههههههه
لالا امزح معاك .. بس محتار كيف اوصلك المعنى الي ابي أقوله ههههه
فيه ابيات للمتنبي جدا جميله يقول فيها
عَلى قَدرِ أَهلِ العَزمِ تَأتي العَزائِمُ
وَتَأتي عَلى قَدرِ الكِرامِ المَكارِمُ
وَتَعظُمُ في عَينِ الصَغيرِ صِغارُها
وَتَصغُرُ في عَينِ العَظيمِ العَظائِمُ
السر في صعوبة الموضوع عليك وسهولته وقدرتك على تحقيقه
يكمن في عزيمتك وشغفك للي تبي توصلّه
اذا عندك عزيمه وشغف .. سوف تصغر في عينك أي عقبه تمنعك من الي تبيه
سوف يكون عندك القدره على المحاوله والصبر والتحمل
حتى لو أخفقت راح ترجع تحاول وتبتكر طرق مختلفة وحلول
صدقني راح يكون كل شي في عينك صغير وسهل
وسوف تكون عظيم أمام هذه التحديات وتقدر انك تتخطاها وتتجاوزها وتوصل للي فبالك
وصلت المعلومه ؟
طيب ….والآن مع فقرة هـل تعلم ههههههه
الله … تذكرون فقرة هل تعلم … زمان والله يالإذاعه المدرسية
كنت أطرب بتصفيق الطلاب بعد كل فقره
ألا ليت الزمن يرجع ورى
وإلا اليالي تدور
ويرجع وقتنا الأول
وننعم في بساطتنا
وسلامتكم