هذي ياحطاب الندى شيرين شامت
..........هي مسيحيه وقاتلها يهودي
في الصحافه سجلت وقامت و حامت
...........وصورت صدق العباره و الوعودي
من تحت قاع البحر غاصت وعامت
..........وفي الملاقاء ما تنحت للصدودي
العرب في يومنا تاهت وصامت
..........مابه الا بروق مع صوت الرعودي
جروحنا في القدس أطراف وترامت
........مايشيل الرمح محمرت الخدودي
ما بقت في دارها وطاحت و نامت
........شاقها حطين ياليته يعودي
من صلاح الدين قامت و استدامت
........وخالد الي قاد صبيان الفهودي
راحو الي صبحوها واستقامت
..........وركزو راية محمد في الحدودي
هذي إسرائيل ديدان وتنامت
........من عقب يوسف وتاريخ الجدودي
ان بغيت الصدق الأرواح هااامت
.......وبيحت كل الخواطر و السدودي
للمنايا في مصلى القدس سامت
....... والثمن دار البقا دار الخلووووودي
سلمان