..
مساكم الله بالخير يا الطيبين
شلونكم عساكم بخير
أهم شي ما وصلكم الفيروس اللي منتشر بالجو هالأسبوع
المدونه مهجوره مقصره في حقها والله هالفتره >> جاها تأنيب الضمير
المهم
توني كنت باليوتيوب شفت مقاطع لشيخ
يسوي بثوث في التيك توك واغلب اللي يكلمونه
حبيبه على قولتهم
لفت نظري إننا صرنا بزمن صار الاغلب يتفاخرون بعلاقاتهم المحرمه
والله مستغربه ومصدومه بنفس الوقت
ضياع وقت وعمر على تفاهات غير انها أصلا باب من أبواب الشيطان
وكالعاده الخساره الكبرى من نصيب البنت
متى يفهمون البنات بأنه ما فيه شي اسمه حب من مواقع تواصل او ألعاب ببجي وغيرها
أساسا ماعاد فيه شي اسمه حب كله لعب على الحبلين
بتجيني تقاييم من معارضين ادري
يعني هل معقول هالفئه يجهلون ان هالعلاقات محرمه؟
لهالدرجه صار الحرام سهل ويتفاخر فيه عادي؟
براسي علامات استفهام كثيره حول هالموضوع
نسأل الله ان يعافينا مما ابتلاهم
وضعي كذا صراحه
..